(1921) L'herbolariu

link

Pregona pe les calles l'herbolariu
melecines caseres muncho bones,
con sacos de yerbatos a montones,
faciendo competencia al boticariu.

Elli suele cantar com'un canariu,
y lo viende barato por perrones;
convien tenelo'n toes les ocasiones,
que si angún amalez, ye necesariu.

Foriéganu, romeru, malvabiscu,
espliegu, salvia, trébole, llentiscu,
borraxa, yerbes-güenes, yerbes-males;
anises, ucalitu, paletina,
flor de saúcu, malves y llantina,
sanguinaria, ¿qué quier? , flores cordiales